الحواوشى معمول حسب طلباتكم من الشيف آية
هاااااااااااااااااااااااا اااااااااااى
لاحظت انكوا عاوزيين طريقة الحواوشى جيبتهلكم انهارده ابسطوا بقى
يالا اقوموا اشتغلوا هاتوا نصف كيلو لحمة مفرومة و2حبة طماطم و3حبات فلفل ملون وجزرة مقشرة وحضروا العيش البلدى وافتحوه وادهنوه بالزبدة من على الوجهين
نخش بقه على الشغل
نشوح بصلة كبيرة فى شوية زيت ونحط اللحمة ونقلب لحد لما لونها يتغير ونضيف الجزر والفلفل والطماطم وملح وفلفل اسمر وشطة لو حبيتواونسيبها لحد ما تستوى وبعدين نحشى العيش المدهون بالسمنة باللحمة ونحطه على صينية وندخله تحت الشواية ونقلبه على الوجهين لغاية لما يتحمر
قدموه مع البطاطس المحمرة ومتنسوش البيبسى
واى خدمة واى حد عاوز اى وصفة يقولى مش هتأخر عليكوا
مستنية رد اللى يجرب الوصفة
يالا بااااااااااااااى