المشاكل الأجتماعية

أخي الكريم

أول شيئ بشكرك من كل قلبي وبشكر الإدارة الكريمة على إنشاء هذا القسم

وأعتقد بأن المقهى السوري سجل بإضافة هذا القسم سابقة من بين كل المنتديات

أخي الدكتور كريمينال

من بين مشاكلي الكتيرة التي استطعت تحملها وحلّها

في عندي مشكلة واحدة ما عم لا قيلها حل

المشكلة بمجال عملي

أنا عمري ما اشتغلت بمطعم أكتر من سنتين

والمطعم الوحيد اللي تجاوزت فيه هذه الفترة هو المطعم اللي عم اشتغل فيه الحين بالسعودية

وسبب استمراري فيه هو الكفالة (( لان كل شخص بيسافر ع السعودية لازم يكون عنده كفيل سعودي ))

المشكلة مو فيني ولا بطبيعة العمل ولا بالكفيل السعودي

المشكلة هي تكالب الناس على خطف لقمة العيش من فم بعضهم

أنا مسبع الكارات متل ما بيقول المتل الشعبي

يعني ما تركت شغله تعتب عليي

و بآخر المطاف علقت بهذه المهنة

وبصراحة ومن خلال تجربتي ما شفت بكل المجالات اللي اشتغلت فيها من قبل هذه الظاهرة
الموجودة في عمال هذه المهنة

مافي مطعم بكل الدنيا بيقدر الإنسان يعتمد فيه على صاحبوا اللي عم يشتغل معوا

هاد اللي بيحفر من تحتك وهاد اللي بيزيد بالمواد بالوجبة اللي عم تشتغلها بس عشان يوقعك بمشكلة مع الزبون و صاحب العمل بس عشان يزحلطك من قداموا ويستلم محلك

سنين وايام وانا عم دور على حل لهالمشكلة ومالقيت

وأنا متأكد انوا ما في حدا بالدنيا رح يلاقي الحل

بس أنا قمت بترويض هذه المشكلة وحابب آخذ رأيك ورأي الأعضاء بحلي هذا

اتبعت مع هذه الفئة من الناس نفس الطريقة اللي بيتبعوها معي

فصرت مثلهم وعلى ألعن منهم

مع اني من معارضي مقابلة الإساءة بالإساءة

ولعلمي بأن مفاتيح الرزق بيد الله

لكن لا أدري لم اعتمدت هذه الطريقة

ممكن لأني حبيت إني خليهم يذوقوا الكأس الذي طالما أذاقوا من مر شرابه الكثيرين

علَّهم ينتبهون لما كانوا قد فعلوا فينتهون عنه

هل عندكم حل آخر لهذه المشكلة

وهل حلي هذا الذي تحدثت عنه صحيح أم خاطئ ولماذا

(( أرجوكم أجيبوني ))

محمد زيداني