يازين بعارينا والله

دايم اذا كنا مسافرين عن طريق البر يحذرونا من البعارين
خاصة في الليل

وكثيرين راحو ضحايا للاصطدام بها

لكن اللي في افريقيا يواجهون أشياء أخرى

يعني مثلاً تخيل انك بعد ما طلعت من الرياض انت واهلك معكم غداكم جاهز
ناوين تغدون في شعيب صلبوخ وقابلكم هالشاب الوسيم
يمديك تفرش بساطك ؟؟

والا وانت رايح للصمان لقيت هالحلو يمشي قدامك هو ومرته وهو معصب منها

يمديك تضرب له بوري علشان يطلع عن الخط ؟؟

طيب تخيل انك وقفت تصلي

ويطلعون عليك هالشباب وانت في الركعه الاولى !!!

هذا لو طلع لك وصدمته انعدم موترك وماتوا اللي معك وهو ما درى عنكم

لا تقول ياحليلهم

تراهم لو تولوك قرمشوك قرمشه

هذا سيد بيه قشطه

لو صدمته تبي ترد ريوس اجباري وتصدم اللي وراك

هذولا لو تزعج ولدهم ودوا سيارتك للسكراب

هالمنظر يتكرر عندنا كثير بس بدال الغزلان غنم ووراهم سوداني

هذي يمكن تصدمها تحسبها برج جوال

طبعاً ركبتها بتشلخ جبهتك

تخيل انك كاشت في شعيب وجوك هالملاقيف

يبي ينكدون عليك طلعتك فيهم لقافه يكفي نصفها

راعي الهايلكس وهقه راعي السياره اللي وقف قدامه

خايف من اللبوه ووده يتجيود قدام زوجته يعنني ما أخاف وهو واضح انه رايح فيها

هذولا لو قابلتهم وسيارتك لونها احمر مهوب مخليها الثور ابو قرون

شكل راعي البي ام يقول لعياله ما قلت لكم الملاهي ازين من البر!!

هذولا ما صوروا اللبوه الا بعد ما تعدوها والا قبل مقززين ومقفلين البيبان من الخوف

بس لا تفوتكم اللبوة مشيتها رهيبه واثق الخطوة يمشي ملكاً

طبعاً في الوضع هذا مافيه الاولويه للقادم من اليمين

حتى لوكان سيارة اسعاف

ماقلت لكم انهم ملاقيف ؟؟

شكله يناظر الانتل وده يكسره

باي