لماذا العرب يخسروا ؟!
لماذا لا يستطيعوا الربح بشكل جيد و لماذا نسبة الخسارة أكبر من الربح ؟!
لماذا المتاجرون العرب يخسروا حساباتهم بشكل سريع وقليل فقط من يستطيع
الحفاظ على حسابه ؟!
لماذا دائماً نبحث عن إستراتيجيات تعطينا ربح لا يقل عن 100 نقطة و بها مؤشرات و تقاطعات ؟!
لماذا ؟!
لماذا ندخل عكس الإتجاه ؟!
لماذا نتاجر وقت الأخبار ؟!
لماذا لا نتعلم بالقدر الكافي و مع ذلك نفتح حسابات بالاف الدولارات ؟!
لماذا و لماذا و لماذا و لماذا ؟!
ماله الكلاسيكي ؟!
لماذا لا نقوم بإدارة رأس مال جيدة للحفاظ على الحساب ؟!
لماذا التسرع و عدم الصبر لإكتساب خبرة كافية تمكننا من الصمود في وجه هذا السوق الذي لا يرحم أحد ؟
ببساطة لأننا عارفين الفوركس غلط … دة صحيح !
معظم اللي بيخسروا تلاقيهم أما بيعتمدوا على توصيات أو جربوا إستراتيجية لفترة غير كافية ,
فترة جيدة للزوج أو لعملة معينة لقوها كويسة و قالك بس أنا أكتشفت السر أنا أقدر اتاجر و أكسب بقى و أهيص و أعمل البدع
و غير كدة تجدهم يتبعوا إستراتيجيات تعتمد على المؤشرات تقاطع لفوق شراء و تقاطع لأسفل بيع
و تلاقي الإعتماد الرئيسي على المؤشرات فقط في حين أنه معروف أن المؤشرات تتبع السعر و ليس العكس
و المؤشرات بتخطأ أوقات كثيرة و رغم كدة هاتلاقي ألاف المؤشرات و الناس عمالة تجرب تقاطعات
و تشبعات و تعتمد عليها في حين البنوك و المحترفون لا يعتمدمون إعتماد كلي و رئيسي على المؤشرات
بل يستخدموها لتقوية فرص و إضعاف الأخرى !
ضع نفسك مكان البنوك الكبرى و حاول تشوف صور لبعض التحليلات بتاعتهم , شوف هل بيتعمدوا
في الدخول على إكسبرت أو تقاطع مؤشر مثلا ؟!
الإعتماد الكلي على التوصيات من أخطر ما يمكن و ما شاء الله في ناس ما بتحرمش هههههههههههههه
بصراحة بضايق أوي لما بشوف الحاجات دي و ناس تحذر و تقول و صوتها يتنبح و في الأخر الناس
زي ما هي بتعمل اللي في دماغها و بتخسر .
لماذا دائماً بنبحث عن النقاط الكثيرة في حين أن النقاط القليلة إلى متوسطة جيدة للحفاظ على الحساب
ما دام أنت لست محترف و صاحب محفظة كبيرة .
الربح و عدد النقط الخرافية اللي الناس عمال تخترع علشان توصلها و هاتفضل 100 سنة كمان
تخترع و مش هاتوصلها علطول و مش هاتوصل للمليون دولار .
لية الناس اللي مش لها خبرة كويسة في الفوركس بتدخل تفتح حساب و تلاقيه بألاف الدولارات
و تدخل صفقات خاسرة و لما تلاقي الدنيا خربانة تيجي تقول " النجدة " ألحقوني " …. ألخ "
لية بنعمل في نفسنا كدة كعرب و لية دائماً مديين الفرصة للغير يلعبوا علينا صح و يكسبوا مننا بالنصب علينا !
الأخبار و تداول الناس الخطأ عليها فخ كبير يلعب عليه صناع السوق , تلاقي خبر نزل عن الدولار
أو عملة ما يقولك في تراجع و تلاقي المحترفون و الخبراء لا يتداولون و يراقبون السوق في حين أحنا
ندخل نحلل و نقول ألحق دي فرصة دخول , هناك مؤامرة بين دولة كذا و دولة كذا و يقعدوا يفتوا في كلام
و كلام مالهوش أي لازمة و تلاقي الخبر أتعمل عليه أخبار و حوارات و الحكاية أنتشرت و ناس تدخل
تحلل و تدي توصيات و تبيع و تشتري و فجأة المعظم يخسر في حين أن المحترفون و الخبراء يراقبون
السوق و يضحكون علينا و هم من يربح بالنهاية !
لية مانعملش زيهم و نصبر على إنتهاء الخبر و نرى تفاعل السوق معه و بعدها نعيد حساباتنا و نفكر
في البحث عن فرص الدخول ؟؟؟؟؟؟؟؟؟؟
الدخول عكس السوق أو الإتجاه العام دي كمان مشكلة كبيرة , لية الناس عاشقة تدخل عكس الإتجاه ؟
كل دة بسبب الطمع و الجشع و حب المال , و المشكلة لما يخسر يقولك ياريتني ما دخلت عكس الترند
أو تلاقيه جاي بردوا يقول ألحقوني كيف أتصرف و ماذا أفعل حسابي في خطر !!
أسباب كتيرة أوي الواحد عارفها و يتجاهلها , لية , علشان حب الغنى السريع و الربح الكبير .
نفسي و الله مش ألاقي ناس تقول النجدة و ماذا أفعل و و و و …..
أهم حاجة الواحد يفهم السوق ماشي إزاي و بلاش يدخل عكس السوق و بلاش المؤشرات و الإعتماد
الرئيسي عليها و بلاش الخزعبلات بتاعت تحليل الكواكب و القمر و الشمس و النجوم ههههههههههه
بالعقل كدة هل البنوك و الشركات هاتروح تبص و تابع حركة الكواكب و تدخل على أساسها ؟!
طيب مال الكواكب بالفوركس , هل لها عملة مثلاً أو ليها حساب بالسوق يعني ؟
لية بندي الفرصة لغيرنا أنهم يضحكوا علينا و يتسغلونا أفضل إستغلال !
طبعاً في ناس هاتقولك يعني هو أنت مش خسرت , انت اللي بتكسب علطول و داخل شفقان علينا !!
أنا داخل أقول الكلمتين دول علشان أتخنقت من اللي باشوفه من نصب علينا و أحنا مش بنتعلم
و بنجري ورا إستراتيجيات و نعمل إكسبرت ليها علشان كسلانين نشغل دماغنا و نبص على السوق كويس
و علشان بنجري ورا بونص من شركات بتنصب علينا في الأخر و توهمنا بأسبريد ثابت في حين أن
السوق الحقيقي مافيهوش حاجة إسمه سبريد ثابت !!
أنا بخسر و دة طبيعي بس مش لدرجة أني أصفر الحساب و أرجع أعمل إيداع و بعدها بأسبوع ولا حاجة
أصفره تاني و هكذا ….
ياريت أي حد عنده كلمتين مفيدين يقولهم يمكن الكلام دة يفيد حد مع أني على اللي شايفه مش أعتقد
في حد هايستفاد أو يغير من نفسه .