التصنيف: حواء

أحلى مافي هالحياهـ
مرحلهـ من غير {هم }
كنـّا دايم نبتسم
كنـّا حتى لو بكينا … وجارت الدنيا علينا
بعد لحظـات وثواني …
بسمهـ فينا ترتســم

كنـّا نركض
خلف كورهـ … ( لا لا أنا ماكنت معهم؟ )
وحدي بس بعيد عنهم … كنت أنا أضحك عليهم …
جالس لحالي أهذري… جالس أحسب كم( كوبري )…
صلـّحهـ( أحمد ) في ( ماجد ؟؟
والله واجد!!
وقبل ما يحل الظلام …
للبيوت نروح نجري … ( لا لا أنا ماكنت معهم ! )
أمشي وحدي بعيد عنهم … أمشي وأعدد أثرهم!
وهم عني يبعدون …
يبعدون … يبعدون …
إلا( ماجد )!
كان مثلي حيل ضايق …
بس حزنـي كــان حارق
كان يسألني ببراءه : …
ليش تعرج ؟ … قلت مادري ! – باستياء –
ليش تبكي ؟ قلت مابكي – بكبرياء –
ضاق مني …
ثم سألني في غباء …
قال ( وثرايك تـثــابق )؟
وراح عنــّــي … !!

كنت أسأل دوم نفسي …
ليش ما أركض معاهم ؟؟
ليش دوم أمشي وراهم ؟؟
وش
بلاي ؟؟ أو وش بلاهم ؟؟
ليه أنا غير الأنام ؟؟
زاحمتني الأسئله…
كل شيٍ أجهله ؟
وإن تعبت من الإجـــابه…
أحظن الحيـــره وأنام ..

مرّت سنين وكبرت …
صار همّي اليوم أكبر
حتى دمعي صار أكثر
للأسف توي قدرت …
أفهم إني شخص ( عاجز )!
يعني بيني وبينكم
مليون حاجـــز !!!
صدقوني ذي حقيقه …
لا طلعت السوق … كل ما أمشي دقيقه
القى كل شوي أبله !
يمشي ويناظر صديقه …
ويغمز له
يقول : ناظر…!
وش يناظر ؟؟
وتتفجّــر في خفوقي
ألف ضيقه
و وَحده في وسط الزحام ….
طالعتني باهتمام …
بنت في عمر الزهور … أي رشاقه … وأي أناقه …
وأي عطـــور !!
قلت في نفسي ياهووووه
هي تناظرني بغرام ؟ أو هي نظره والسلام
؟
بس أكيد إنها تعرفني … شايفتني ؟
شايفتني في جريده ؟
واعجبتها لي قصيده ؟
إيييييه أنا توي افتكرت
…
لي قصيده …
كنت ناشر معها صوره
بس صوره … ياسلااااام
وفاجأتني …
لمـّا صارت لي قريبه … كانت تـتمـتم بطيبه
{ يكسر الخاطــر حـــرااااام) !!!!!
وتركت دمعه غريبه …
وضاعت بوسط الزحــام
دمعه كانت تحكي وضعي … زلزلتني
ارتطم قلبي بضلعي … دمرتني
صدقوني …
أصعب اللحظــات وأقسى
{{لاغدا الرجـّــــال يكسر … خاطر انثى}}
كيف ينسى ؟؟؟
جاوبوني !

وزاد همّــي …
يوم فكــّـرت بوظيفه … ثم زواج
أي وظيفه … وأي زواج ؟؟
اللــي مثـلي …
مهما طالب … لو يلف ولو يدور
زين لو حطـــّــوه كــاتب
لا
… وعلى بنــد الأجـــــــور ….
ماهو رسمي !!!
صدقوني لو تدرّج … وصار راتبه ايتصاعد
وابتــدا وضعه يزين
ما أظنه بيتزوّج … حتى لو بعد التقاعد >>!

..وفي النهــايه …

يابلــدنا… مهما كانت( تسميتـنا )
عاجزين …( معوّقين)
لك عهدنا… وذا قسمنا: