|| اللانكشيـــر مع chef . orchidia || .. مشـاركه بالمسـابقه
السلام عليكم ..
كيفكم يا بنات ونساء المستقبل ..
لي فتره مسويه هالموضوع بس متعجزه انزله
فقلت بما ان في مسابقه فخلني اتحمس وانزل الموضوع ..
انا مدمنة حلويات طبعا وبعض أنواع من البسكويتات اللي طعمها قريب للبيتي فور
ففي بسكويت هو قريب طعمه مره من البيتي فور وطريقته مره سهله وبسيطه
وأنا دايما اسويه ..
موضوعي اليوم عن نوع من أنواع البسكويت .. وطعمه أقرب للبيتي فور ..
وهو اللانكشيــر ..
طبعا أنا مدمنه هالبسكويت بطريقه مو طبيعيه
شفته مره بالتلفزيون ومن يومها وانا دايما أسويه
وكل ما جا أحد يزورنا ويكل منه ياهو يخق خقه مو طبيعيه 
ويطلب مني مقاديره 
فقلت خلني أنزل اليوم الموضوع عنه
يمكن يعجبكم وتحبون تسوونه .. وطريقته مره سهله وبسيطه وماتاخذ شي ..
بس ماعليكم من الصور .. تصويري بايخ أدري 
لكن هي للتوضيح بس
المقادير :
كوب ونصف دقيق ..
ثلاث ارباع كوب كورن فلاور ( نشا ) ..
كوب وربع زبده ..
نص كوب سكر ناعم ..
بيضه ..
ربع ملعقه صغيره بيكنج باودر ..
ربع ملعقه صغيره فانيليا ..
الطريقـه :
ركزوا كويس لأنى ما أعرف اشرح زين ..
نجيب الزبده ونحطها في صحن كبير وبملعقه خشب .. نحاول اننا نفككها شوي ..
نجيب السكر ونحطه على الزبده .. وخلطهم مع بعض كويس ..
نكسر البيضه .. ونضيفها على الزبده والسكر ونخلط كويس .. نضيف الفانيليا ..
نجيب الكورن فلاور ونحطه على خليط الزبده و السكر ونقلبه كويس معهم ..
بعد كذا نضيف البيكنج باودر و الدقيق ..
المفروض الأساس فى اللانكشير هو الكورن فلاور .. عشان يطلع البسكويت ناعم زي البيتي فور ..
العجينه بالأخير مفروض تكون لينه مو قاسيه مره ..
وفي أنواع من الدقيق .. فممكن العجينه ماتاخذ كل الدقيق اللى بالمقادير
وفي ممكن العجينه تحتاج لشوي دقيق بعد عشان تصير متماسكه شوي …
طبعا كله حسب نوع الدقيق المستخدم .. المهم العجينه بالأخير تكون لينه وناعمه ..
واذا احتاجت لدقيق زياده … نضيف كورن فلاور مو دقيق .. لين نحس العجينه اوكي كذا خلاص صارت مثل مانبيها ..
ناخذ العجينه وندخلها شوي بالثلاجه عشان ترتاح شوي من حرارة العجن ..
وتصير متماسكه نعرف نسوي منها أشكال ..
نحط العجينه بعد كذا في ماكينة البيتي فور ونسوي منها أي شكل نبيه
ونجيب صينيه ندهنها زبده .. ونحط البسكويت عليها
ندخلها الفرن .. على درجة حراره متوسطه ..
التزييـن :
لما تطلع نخليها تبرد شوي ..
ونيجي عشان نزينها ..
نجيب شوكولا .. ونسيحها على بخار ماء ..
ونمسك كل قطعه ونحط بوسطها الشوكولا أو ممكن مربى ونلصقها بقطعه ثانيه ..
ومن فوق ممكن نزينها بالشوكولا بأي طريقه
عاد أنا اختصارا للوقت يوم سويتها حطيت عليها بس نقطه من فوق ..
بالأخير يطلع شكلها كذا ..
بس جد جد طعمها مرره خطير .. أنصحكم تجربونها 
حتى الشباب ممكن يسوونها
وصحتين وعافيه
كان معكم من مطبخ الحدث /
chef. orchidia