مارغريتا البطيخ …….قمه الانتعاش……….فى الصيف
السلام عليكم ورحمة الله وبركاته
ازيكم يا جماعه الصيف دخل واكيد الكل مدايق من الحر
بس انا هحلهالكم مع مارغريتا البطيخ جربوه اه هى عاميله متعبه شويا
بس صدقونى مش هتندموا
المقادير:-
بطيخ(الكميه متروكه حسب الرغبه وحجم البطيخ)
عصير 2 ليمونه
ربع كوب سكر ناعم
نعناع اخضر مقطع مفروم
الطريقه:-
نضرب البطيخ فى الخلاط بعد إزاله البذور منه وبعد كده نصفى العصير كويس جدا
وبعدين نضيف للعصير عصير الليمون والنعناع
وندخله الفريزر لمده ساعه وبعد كده نطلعه نفركه بالشوكه لغايه لما يعمل ثلج مجروش
وبعد كده ندخله الفريزر تانى لمده ساعتين وبعد كده نطلعه ونكرر العمليه السابقه
وبعدين ندخله الفريزر كمان ساعتين وبعد كده نطلعه هنلاقيه زى الثلج المجروش بالظبط
بس بطعم الانتعاش طعم البطيخ اللذيذ
يا رب تعجبكم
