ترددت اكتب موضوعي بس توكلت على الله
ماعرف كيف ابتدي ومو قادره اصف اللي بداخلي والله يعينني على الوصف
انا اعاني طول الوقت من الاحراج بدون سبب ومن غير مايحصلي موقف محرج يعني لا اثق بتصرفاتي
دايم احس اني اتصرف غلط ودايم احس بالفشيله بدون سبب اعاني من جلد الذات بشكل مبررررررررح واحتقر نفسي
وابغى اموووووووت واخلص من الشعور اللي بداخلي انا دايم منعزله عن الناس واذا رحت للناس طول ما انا جالسه
معهم بالي مشغول واقول لنفسي هل اتصرف صح وهل شكلي غلط هل تفشلت 
حتى لو حصل لي موقف محرج قليلا احس بالاحراج الشديد واقول ببالي الله يعينني اذا رجعت للبيت راح افكر واجلد ذاتي من اللي حصلي 
تعببببببببت حتى مع اهلي استحي منهم اذا جا بزر يسولف معي ما اعرف اتعامل معه واستحي منه
مثلا اذا بزر احرجني بسؤال ارد وانا صوتي مستحي واقعد اقول ببالي يافشيلتي صوتي واصح اني مستحيه
يافشيلتي ابالغ وانا اصف شي معين لاهلي يافشيلتي طريقة كلامي ملخبطه..
صعب اصف لكم اللي بداخلي وصعب اشرح لكم مااحس فيه اتمنى انه وضح لكم كلامي..
حتى قبل ساعه تقريبا نتفت نفسي من البكااااء وتأنيب الضمير وجلد الذات لاني لسا راجعه من اجتماع الاهل
مابي اختلط بأحد غير اختي تؤم روحي بس ارتاح معاها ولا احس بالشعور هذا معاها وتفهمني..
تعبت من الاحساس بالاحراج بدون سبب حتى منكم اللحين بنحرج واقول انتي اللحين ليش كاتبه مشكلتك راح يستغربون منك..
والله يعنني بعدين بقرأ كلامي وانحرج
والشعور اللي وصفته لكم احس فيه طول الوقت حتى قبل النوم ومقدر انام الا اذا تخيلت نفسي ميته او اتخيل بصدري سكين بعدين اقدر انام..
واذا سألت اختي واهلي هل تصرفاتي غريبه يقولوا لي بالعكس تصرفاتك تمام وانتي انسانه بشوشه
وحنونه وطيبه وكل شي فيك تمااااااااااااام وزي الفل
بس مدري ليه مو واثقه من تصرفاتي فكرت بالطبيب النفسي بس اخاف يصرف لي ادويه وانا لسا بدري واتعب وانا اصف له اللي فيني
واستحي من الدكتور او الدكتوره .. ودايم اتعوذ من الشيطان الرجيم اذا حسيت بهذا الشعور واذكر الله وارقي نفسي
لاكن الشعور يضل موجود 
واسفه ع الاطاله