السلام عليكم وهاي لغير الناطقين بالعربيه 
ابي افضفض وعارف ان مالي غير الله لكن الناس للناس والكل لله
انا انسان من عائله محاافظه سمعتها في السما مقتدره ماديا لكن عندي الوالد الله يحفظه مربينا اننا نعتمد علي الله ثم انفسنا
اشتغلت بعد دراستي في الكليه لمدة 3 سنين في الحرم المكي براتب 4 الاف وعانيييييييت
وبعدها انتقلت لعمل مريح جدا جدا جدا لدرجة اني انام عندهم 8 ساعات واروح ببطانيتي ومخدتي وشواحني هههههه و بضعف الراتب والحمد لله وجمعت منه مبلغ حول ال 150 الف بعرق جبيني
وتعرفت علي شباب من خيرة الشباب وعلي شباب الله يهديهم
المهم تعرفو الشباب هاليومين اقرب طياره ويسافر ومحد يرده وهاتك من ذي المحرمات من شراب وبنات وضياع فلوس والواحد لا جا يكون نفسه بيبدا من الصفر او بديون او ابوه يساعده
وانا اقول في نفسي ياولد ابعد عن الحرام ربي يعوضك بوحده تغنيك عن كل شي
لا شفت خويي يرقم اقول تخيل لو انها زوجتك ومن ترك شيا لله عوضه باحسن منه
وشفت وشفت وشفت والوصول لهالشي جدا سهل ورخييييص !
جيت قلت لامي اخطبي لي وخطبت الاولي وما ارتحت والثانيه والثالثه رفضو لان عندي السكر !
حسيت ان مريض السكر كائن غير مرغوب فيه وحسيت ان الدنيا البقاء فيها للاقوى ومافي شي اسمه رحمه
طيب على الاقل اسالو عن الواحد
وهنا بدا مفترق الطرق
طيب لا جيت اتعرف \ الي بتعرف عليها بتسالني وش قبيلتك ؟ وظيفتك ! وفوقها مابصرف عليها كل هالمصاريف من ذهب ومهر وزواج وبيت .. الخ !
والادهي والامر ان في بنات هالايام يصرفو عليك هههههههههههههه 
واخذ الي ابيه بالكلمه الحلوه ولا وصلنا لمفترق طرق ارميها مثل ما يرمي المدخن سجارته وادور علي غيرها !\واصلا غيرها موجود
لاني اشوف الكل يعطيك من طرف اللسان حلاوهً ويروغ كما يروغ الثعلبُ
اكثر بنات هاليومين تغرهم المضاهر .. وش سيارته وش ساعته وش لبسه وين بيسفرني في اي قصر بيسكني !
والدين والمعدن والعشره يجو ف الاخيــــر
وبعد معانا مع الدباب هههههههههه الحمد لله اشتريت سيارهـ من فئه فخمه واشوف اقبال من الجنس الناعم ! واقول في نفسي ياولد ويني ايام الدباب ههههههههههههه حتي الحجة الي تبيع فصفص تطردني
لكن ما ادري والله في شي يقول لي لا وان ماجاك الحلال لا تمشي في الحرام
ومن يتقي الله يجعل له مخرجا ويرزقه من حيث لا يحتسب
لكن ولد عمي ختم كل الدول مع قروب اعرفهم شخصيا وكل دوله يصرف فيها بال 10 الاف لاسبوع ( كنت احسبه مجنون ) واشترا سياره ودباب ( قلت هنا مجنون رسمي )
والادهي والامر انه يظهر امام الكل بمظهر الكريم هه
ومايبخل على نفسه باي شي ! والحين اخذ له قرض ربوي واموره ماشيه زي الحلاوه !
وخطب بنت الكل يشهد لها
ياشباب انا مخطط اني اسافر واخربها فهل من جرعة بنج ؟
ولا بتخاوو ؟
ولا جا النصيب بتجه للبنك