طول الوقت وانا قاعد قدام الشارت بتخيل القطار امامي
مش عارف انا بس اللي بتخيل كدا ولا فيه غيري او لكل متاجر تخيلاته المختلفه :biggrin23:
– عشان اركب القطار لازم يكون متوقف والركوب يكون من بداية المحطه
مينفعش الاقي القطار ماشي و انط اركب فيه هيفرمني طبعا :miserable:
كذلك بتخيل الصفقات قبل ما ادخلها
لازم الصفقه ادخلها من بداية المحطه قبل ان يتحرك قطار السعر
لو فكرت ادخل الصفقه بعد تحرك قطار السعر هتفرم من التصحيح او التراجع
– و مش كل قطار معدي عليا ينفع اركبه لو فرضا علي سبيل المثال انا رايح المنصوره مينفعش اقف علي رصيف القطار اللي رايح القاهره :ranting:
لان الاتجاهين عكس بعض " فلو مثلا قطار السعر هابط مينفعش ادخل شراء "
لو ركبت قطار القاهره وانا المفروض رايح المنصوره القطار هياخدني بعيد تماما عن الهدف المرجو وهضطر ساعتها اعدي علي المحطات من جديد للوصول للمحطه المطلوبه و دا هيستنزف وقت ومجهود " المقصود هنا هو تعويض الخساره والوصول لنقطة البدايه مرة اخري بعد تأثر الحساب من خسارة الدخول عكس قطار السعر واللي طبعا هتتطلب وقت ومجهود اضافي "
ومحدش يسألني اشمعني القاهره والمنصوره بالذات
– لو ركبت القطار و في نص الطريق تعطل ومش هيكمل للمحطه اللي رايح لها لازم انزل فورا ,, لو فضلت قاعد هضيع وقت وممكن ييجي جرار ابن حلال يسحب القطار العطلان للمحطه الرئيسيه تاني اللي انا راكب منها :apologetic:
كذلك الصفقه لو انا داخل في اتجاه معين وحاطط هدف معين "اللي هو المحطه اللي عاوز اوصل لها " وفي منتصف الطريق بدأ الضعف يسيطر علي الزوج او ظهور اشارات عكس صفقتي لازم اخرج فورا لان قطار السعر ممكن يعود بيا مرة اخري لنقطة الدخول " المحطه الاساسيه " او ربما تتحول الصفقه لخساره بسبب العناد والتشبث واكون خسرت وقت ومجهود وفلوس
– دايما خد القطار المكيف السريع و اقعد درجه اولي
ايوا طبعا فيه قطار مكيف في الفوركس
المقصود هنا هو اختيار اقوي الصفقات و الاكثر جوده والتي ترتكز علي عدة مسببات قويه للدخول "
هتكون قاعد ساعتها مطمن ومرتاح البال وتاخد تعسيله كمان :surprise:
علي عكس لو داخل صفقه عشوائيه او صفقه بناءا علي سبب واحد وممكن كمان يكون سبب ضعيف هتكون قاعد متوتر وقلقان و رايح جاي تبص علي الشارت :miserable:
–
لو فاتك قطار متندمش عليه 🙂بعد ساعه ساعتين او تلاته هيعدي عليك قطار تاني متقلقش
متعملش زي واحد فاته القطر طلع يجري وراه :ranting:
كذلك الفوركس
لو فاتتك صفقه كويسه او ملحقتهاش متندمش عليها ومتحاولش تجري عليها وتدخلها متأخر:cry:
اصبر وهيجيلك فرصه تانيه كويسه السوق مش هيطير " القطارات مبتنتهيش " راح قطار هييجي عشره غيره
– متروحش للقطر استناه وهو هيجيلك لحد عندك ويقولك اتفضل اركب 🙂
كذلك الفوركس
انتظر الفرصه تجيلك لحد عندك متقشره وتقولك انا جاهزه اتفضل افتح عقودك
***
الموضوع ممكن يكون غير تعليمي وممكن يكون غير هادف كمان 🙂
لكن انا حبيت اشارككم نظرتي للفوركس وتخيلاتي وانا قاعد قدام الشارت و اكيد لكل مننا تخيلاته الخاصه
وبعتذر علي استخدامي اللغه العاميه شويه 
كل سنه وانتو طيبين وتقبل الله منا صالح الاعمال