التليفون بيرن
التليفـون بيـرنّ
امبارح اول مرة انام مرتاح
بجد نمت وانا مرتاح اوى
عشان امبارح اتخانقت مع حبيبتى
وسيبنا بعض
اول ما سبتها ومشيت
حسيت ان الدنيا كلها راحت مني
ما بقيتش شايف قدامى
يادوب وصلت للبيت وانا بزحف
المهم
رميت نفسى على السرير وانا بطلّع فى الروح
مش قادر مخنوق
مش طايق نفسى انا
حبيبتى خلاص راحت مش هترجع لى تانى
ولا هشوفها ولا هكلمها
مش ممكن ده انا اروح فيها
*******
وفجأة
ايه ده؟
يعنى معنى كده مش هكلمها فى التليفون تانى؟
ده كده ح اوفّر بتاع 20 جنيه كل يوم
وكمان ح اوفّر من صحتى وتعب قلبى فى: كنتى فين.. ومالكش دعوة
ايه ده ايه ده؟
كمان مش هقابلها؟
يعنى مفيش مطاعم ولا كافيتريات
ولا مؤمن ولا جاد؟
ياااااااه
ده كده عظيم
كمان مفيش ماما عايزة تقابلك وتشوفك
ومافيش قلق ولا خوف من ابن الحلال اللى هييجى ياخدها ويطير
ولا غيرة
ولا شك
ولا تقل
ولا خفة
ياااااااااااااااااااااه
انا فرحان.. والله فرحان اوى
*******
ياااااااااااه على البنى ادم
تبقى راحته قدامه ويدوّر على تعبه
انا كده خلاص لقيت راحتى ومش هتنازل عنها ابدااااااا
ياااه.. انا كده سلطان زمانى
اما اقوم اعمل كباية شاى
ايه ده؟
التليفون بيرن
ايه ده؟
دى رنة حبيبى
ايوة هوّ ده اسمه هيّ دى الرنة
الو
ايوة يا عمرى
لو كنتى صبرتى دقيقة كنت هاكلمك واعتذرلك ياحياتى
*******
المصدر: مدونة فاشن النسائي مدونة عالم حواء النسائي مدونة ازياء – من قسم: قصص – قصص واقعية – روايات – روايات كاملة – روايات طويلة – روايات قصيرة – جديد الروايات