مشكلتي مع اهلي ارجو الدخول والمساعدة .

بداية الموضوع كانت قبل 3 سنوات لما كنت ارجع بنت اخوي وصديقتها من المدرسه وصار الموضوع يومي يعني كل يوم ارجعهم لين جلست فتره وكثر سوالي عن البنت واهتمامي فيها لين قررت افاتح بنت اخوى بموضوعها بحكم انها قريبه مني وقريبة من عمري سالتها عن البنت وكانت ردها انها بنت كويسه وخلوقه واهلها ناس طيبين جلست بعدها مع نفسي واستخرت وكلمت بنت اخوى تكلمها عشاني وفعلا كلمتها وقالت لها ان عمي يبيك وش رائك وكانت ردة فعلها بالموافقه وقلت لها بس هو عنده شرط انه يبي له سنين لين يجهز نفسه ووافقت علي الشرط هذا

مرت الايام واشتغلت علي نفسي والحمد لله قدرت وسويت الشي اللي ابي اوصل له وكونت نفسي بعد ماشفت نفسي اني جاهز وبحكم ان مافيه شي بيني وبين البنت سالت بنت اخوي عنها وقالت لي انها باقي تنتظرني انا قررت افاتح اهلي بالموضوع

رحت كلمت الوالده انا وبنت اخوى لان هي اللي تعرف البنت اكثر مني وكلمنا الوالده وعلمنها بكل شي وانصدمت من ردة فعلها بالرفض عشان سبب لا يرضي الله ولا رسولة ولا دين ولا عقل ولا منطق تقول ان البنت موب قبيلية وعادتهم تختلف عن عاداتنا وكلام كثير لايودي ولا يجيب ضاقت فيني الدنيا ذاك اليوم لين فاتحت ابوي بالموضوع وعلمته بكل شي وكانت ردة فعله مطمنه وايجابية قال لي هذا الشي من حقك لا انا ولا امك بنجبرك علي شي انت ماتبيه اذ هذي البنت انت تبيها وهي اللي انت تشوف سعادتك معها انا اروح اخطبها لك واللي كاتبه ربك بتاخذها هي او غيرها وامك مصيرها بترضي ومرت الايام والكل دراء بالسالفة من اهلي وصارت انقسامات بالعائلة ابوي واخواني واختي الثانيه كلهم رايهم من رائي ابوي ورائيي ان هذا الشي من حقي وامي واختي الكبيره رافضين بحجة ان البنت موب قبيلية بعد فتره ضغطت علي امي وتغير كلمها تقول توك صغير علي الزواج مع اني عمري 26 يعني سن الزواج المناسب وقامت تتهرب مني لين افقل الموضوع كذا شهرين ولا 3 وارجع افتحه من جديد اللي مضايقني الي متي تتحكم فينا عادة وتقاليد متخلفه وسخيفه

انا و الله بداء الياس يتملكني ساعات اكون متفاءل وساعات تتسكر بوجهي وانا تعبت من التفكير حاجات واجد تغيرت فيني من نحاية السلوك والنفسيه