صباح الخير
بأكتبلكم موضوعي على السريع
كان عندي صديقة من صديقات الجامعة قريبة من قلبي وعزيزة علي مرة ، والحين صارلنا سنة وشوي متقاطعين ومانكلم بعض كل اللي صار بيننا خلاف تافه وأكثر من تافه بعد وكبره الشيطان براسي وراسها ذاك الوقت .. ماعلينا من كل هذا أمس بالليل عرفت من وحدة من البنات إنه صديقتي القديمة متنومة في المستشفى ومرة تعبانة عندها مشكلة بالدم ، والبنت هاذي زارتها وقالتلي إنها مرة متغيرة ونحفانة كثير ماعرفتها من كثر ماهي تروع مع المرض وقبل فترة كان ممنوع عنها الزيارة ، والله أنا ما أدري عن أخبارها ولا كان فيه أحد يجيبها لي حتى هالبنت ماكانت تحكيلي شيء إلا لما طاحت وتنومت في المستشفى جات وقالت لي والله انجنيت لما عرفت وانقهرت أكثر إني أخر من يعلم ، الزبدة أنا أبغى أزورها وأخواتي معارضين وبشدة كمان ، يقولون خلاص هي ماضي وانتهى ادعيلها بالشفاء وهاذي أحسن هدية لها وكلامهم ما أقنعني نفسي أروح لها مشتاااااااقتلها كثييير ويوم سمعت بتعبها نسيت كل اللي بيننا وما أبغالها إلا العافية ، المرض والموت يخلوني أنسى وأسامح لوجه الله و أخواتي حيروني في أمري أعطوني رأيكم أروح ولا أسمع كلام أخواتي وأحفظ كرامتي على قولتهم – مع إني ما أدري وش دخل الكرامة هالوقت !!! – يالله أنتظركم بسرعة عشان إذا الأغلبية يأيدوني بلحق أروح لها في المستشفى قبل ماتطلع للبيت وتصير الزيارة صعبة .
